काठमाडौं । नेपाली बजारमा बुधबार सुनको मूल्य प्रतितोला डेढ लाख नजिक पुगेको छ । नेपाल सुनचाँदी व्यवसायी महासंघका अनुसार बुधबार एकैदिन सुनको मूल्य प्रतितोला २ हजार रुपैयाँले बढ्दै प्रतितोला १ लाख ४९ हजार ८ सय रुपैयाँ पुगेको हो ।
यसअघि मंगलबार नेपाली बजारमा सुन प्रतितोला १ लाख ४७ हजार ८ सय रुपैयाँमा कारोबार भईरहेको थियो ।
यस्तै आज चाँदीको मूल्य पनि प्रतितोला २० रुपैयाँले बढेर प्रतितोला १८ सय ९५ रुपैयाँ पुगेको छ । यसअघि मंगलबार नेपाली बजारमा चाँदी प्रतितोला १८ सय ७५ रुपैयाँमा कारोबार भईरहेको थियो ।