काठमाडौं । सरकारले विश्व बैंकबाट ८० मिलियन डलर (१० अर्ब ६७ करोड रुपैयाँ) बराबरको सहुलियत ऋण सहायता स्वीकृत गर्ने निर्णय गरेको छ । सोमबार बसेको मन्त्रिपरिषदको बैठकले उक्त निर्णय गरेको हो ।
बैठकले विद्युत नियमन आयोगको रिक्त अध्यक्ष पदमा राम प्रसाद धिताललाई नियुक्त गर्ने निर्णयसमेत गरेको छ । यस्तै आयोगको सदस्यमा मधुसुदन अधिकारी र झमक प्रसाद शर्मालाई नियुक्त गर्ने निर्णसमेत गरेको छ ।
यस्तै मन्त्रिपरिषदको बैठकले राष्ट्रिय दूग्ध विकास बोर्डको कार्यकारी निर्देशकमा डा. राजेन्द्र प्रसाद यादवलाई नियुक्त गर्ने निर्णय गरेको छ ।
