काठमाडौं । दक्षिण कोरियाको राजदूतमा सिफारिस भएका सुशील प्याकुरेलले पद अस्वीकार गरेका छन् । उनलाई सरकारले नेकपा एमालेको कोटाबाट गत शुक्रबार (असार ७) गते राजदूत सिफारिस गरेको थियो । ‘मेरो असन्तुष्टि हो, मैले कन्सल्ट गर्दैछु । केहीबेरपछि सबै कुरा थाहा पाउनु हुन्छ,’ प्याकुरेलले भने।
राजदूत सिफारिसमा असन्तुष्टि जनाउँदै उनले प्रधानमन्त्री पुष्पकमल दाहाल ‘प्रचण्ड’ को सचिवालयलाई पत्र बुझाइसकेका छन् ।
उनले सचिवालयमा पत्र बुझाउँदै भनेका छन्, ‘मलाई राजदूत सिफारिस गरेकोमा प्रधानमन्त्रीलाई धन्यवाद, तर मेरो रुचि र सहमति नभएकाले असमर्थ छु ।’ उनले राजदूत नियुक्तिसम्बन्धी विगतमा सरकारले तय गरेको मापदण्ड र संसदीय सुनुवाइको औचित्य र राजदूतको कार्यकालका विषयमा समेत गम्भीर विमर्श आवश्यक रहेको औंल्याएका छन् ।
![](https://www.bizkhabar.com/wp-content/uploads/2024/06/448644444_1656427451787339_3303491998970188988_n-543x768.jpg)