काठमाडौं । गीतकार तथा नेपाल राष्ट्र बैंकका पुर्व डेपुटी गभर्नर तथा हाल नेपाल राष्ट्र वैकका संचालक समितिका सदस्य चिन्तामणी सिवाकोटी

द्वारा रचना गरिएको रिटिङ रिटिङमा वोलको गीतको म्युजिक भिडियो सार्वजनिक भएको छ । दिपक लिम्बु र वेनीशा पौडेलको युगल स्वर रहेको गीतमा संगीत दीपक शर्मा , एरेन्ज नरेन्द्र वियोगी रेकर्डिस राजेश थापा र मास्टरिङ किशोर थापाको रहेको छ भने गीत ए वान म्यूजिसियन स्टुडियोमा रेकर्डिङ भएको थियो ।

कोरियोग्राफर काजिस श्रेष्ठको कोरियोग्राफी उत्सव दाहालको छायांकन रहेको उक्त भिडियोको सम्पादन तथा कलर विनोद वम, मेकअप नन्दा अधिकारी, सहायक कोरियोग्राफर प्रशान्त मगरको रहेको छ ।

यस्तै भिडियोको निर्देशन कृष्णदेव रुपाखेतीले गरेका हुन् । काभ्रेको पाँचखालमा हालै छायाङ्कन गरिएको यो म्युजिक भिडियो अव्वल भएकोमा गीतकार चिन्तामणी सिवाकोटी एकदमै खुशी हुदै निर्देशक लगायत सम्पूर्ण टीम लाई धन्यवाद दिएका छन् ।

नेपाली ग्रामीण जनजीवनको जीवन्त कथा वस्तु र स्थानीय परिवेशलाई समेटिएको यस म्युजिक भिडियो मार्फत आन्तरिक पर्यटन प्रवर्द्धन मा योगदान पुग्न सक्ने विश्वास गीतकार सिवाकोटीको छ । मौलिक नेपली लोक लयमा तयार भएको यो म्युजिक भिडियो Chinta Mani Siwakoti YouTube च्यानलमा उपलब्ध छ।