काठमाडौँ । विशेष अदालत काठमाडौंले सुरक्षण मुद्रण केन्द्रका तत्कालीन कार्यकारी निर्देशक विकल पौडेललाई थप १० दिन हिरासतमा राख्न अनुमति दिएको छ ।
विशेष अदालतले आइतबार गैरकानुनी सम्पत्ति आर्जनको मुद्दामा अनुसन्धानका लागि उक्त म्याद थप दिएको हो । उनी अब थप १० दिन अख्तियारको हिरासतमा रहने भएका छन् ।
विकलविरुद्ध एउटा मुद्दा विशेष अदालतमै विचाराधीन छ भने दोस्रो मुद्दाको तयारी अन्तिम चरणमा अख्तियार रहेको छ । यसअघि नै अख्तियारले उनीविरुद्ध ढाँटेर दोहोरो सार्वजनिक पद लिएको आरोपमा भ्रष्टाचार मुद्दा दायर गरिसकेको छ ।
अमेरिकाको पीआर लिइसकेपछि नेपालको सुरक्षण मुद्रण केन्द्रको कार्यकारी निर्देशक बनेको भन्दै अख्तियारले भ्रष्टाचार मुद्दा दायर गरेको छ ।
