काठमाडौं । कोकाकोला इन्डोर कर्पोरेट क्रिकेट सम्पन्न भएको छ । कोकाकोला नेपाल र नेपाल स्पोर्टस म्यानेजमेन्ट प्रालिले संयुक्त रुपमा काठमाडौंको रातोपुलस्थित भेलोसिटि एरेना, इन्डोर क्रिकेट हलमा आयोजना गरिएको थियो ।
भदौ २४ गते देखि शुरु भएको टुर्नामेन्टमा १२ वटा टिमहरु कर्पोरेट क्षेत्रबाट सहभागी भएका थिए । सहभागी टिमहरु चार समूहमा विभाजन गरिएको थियो भने प्रमुख दुई टिम प्रत्येक समूहबाट अन्तिम आठमा प्रतिस्पर्धामा गएका थिए । यो प्रतिस्पर्धा लीग-कम-नकआउटको आधारमा गरिएको थियो ।प्रतिस्पर्धामा गोर्खा ब्रुअरी विजेता बनेको छ । बिजेताले नगद रकमको सट्टामा सिल्भर ट्रफी प्राप्त गरेका थिए ।
हरेक खेलाडीहरुको व्यक्तिगत पुरस्कारहरु पनि सिल्भर ट्रफीको रुपमा प्रदान गरिएको थियो । यती एयरलाइन्स, बोटलर्स नेपाल, र एनसीसी बैंक ए समूहमा परेका थिए भने समूह बी मा सिप्रदी ट्रेडिंग, हिमालयन डिस्टीलरी र प्रिमियर इन्सूरेन्स रहेका थिए । त्यसैगरी एफवान सफ्ट इन्टरनेशनल प्रालि, गोर्खा ब्रुअरी, तथा हंसराज हुलासचन्द एण्ड कम्पनी प्रालि समूह सी मा तथा कान्तिपुर टेलिभिजन, नेपाल स्पोर्टस जर्नलिस्ट्स फोरम तथा समृद्धि फाउण्डेसन समूह डीमा रहेका थिए ।
प्रत्येक खेलहरु १२ ओभरको आधारमा खेलाईएको थियो, र चार खेलहरु पहिलो दिनमा आयोजना गरिएको थियो जबकी प्रत्येक दिन ६ वटा खेलहरु दुई दिनमा खेलाईएको थियो ।
प्रतियोगिता पारस खड्का, सरद भेषवाकर, रिमा विश्वकर्मा, नगमा श्रेष्ठ, यम बुद्धलगायत सहभागी रहेका थिए । सो अवसरमा पारस थापाले क्रिकेटलाई प्रबद्र्धन गर्न कोकाकोला (बोटलर्स नेपाल लिमिटेड) जस्तो संस्थागत कम्पनीसँगै आउँदा उहाँलाई खुशी लागेको बताए ।
समारोहमा, बोटलर्स नेपाल लिमिटेडका कन्ट्रि च्यानल एण्ड मार्केटिंग म्यानेजर, आनन्द रत्नापार्खीले देशमा क्रिकेट निकै लोकप्रिय खेल हो र यो खेलसँग आबद्धहुन पाउँदा कोकाकोला हर्षित भएको बताए ।
