काठमाडौं । व्यवस्थापिका संसदको विकास समितिले समितिले निर्वाचन क्षेत्र पूर्वाधार विकास कार्यक्रम सम्बन्धी नियमावली तयार गर्न समिति संघीय मामिला तथा स्थानीय विकास मन्त्रालयलाई निर्देशन दिएको छ । नियमावली नहँुदा विकास कार्यक्रमहरुको सञ्चालनमा ढिलाई भएको भन्दै यस्तो निर्देशन दिएको हो ।
त्यस्तै समितिको बुधवार बसेको बैठकले स्थानीय विकासका सन्दर्भमा दिएका निर्देशन कार्यन्वयन गर्न संघीय मामिला तथा स्थानीयविकास मन्त्रालयलाई निर्दिष्ट गरेको छ । संविधान कार्यान्वयनको लागि आवश्यक स्थानीय तहको संरचनालाई वैज्ञानिक र स्पष्ट मापदण्डका आधारमा छिटो निक्र्यौल गरी कार्यान्वयनमा लैजान लागि समिति संघीय मामिला तथा स्थानीय विकास मन्त्रालयलाई निर्देश गरेको छ ।
समितिले स्थानीयतहको निर्वाचनका लागि आवश्यक कानुनहरुको तत्काल मस्यौदा गरी संसदमा पेश गर्न समिति नेपाल सरकार प्रधानमन्त्री तथा मन्त्रिपरिषद्को कार्यालय र कानुन, न्याय तथा संसदीय मामिला मन्त्रालयलाई निर्देश गरेको छ ।
