काठमाडौं । चालु आर्थिक बर्ष २०८०÷८१ को पहिलो ७ महिनामा नेपालमा १५ सय किलो बढी सुन भित्रिएको छ । भन्सार विभागले सार्वजनिक गरेको तथ्यांकअनुसार गएको साउनदेखि माघ मसान्तसम्म नेपालमा १२ अर्ब ५८ करोड ६५ लाख रुपैयाँ बराबरको १५ लाख १ हजार ८ सय ६४ ग्राम सुन नेपाल भित्रिएको हो ।

यस्तै यसै अवधिमा नेपालमा स्मार्टफोनको आयात पनि उल्लेख्य भएको पाइएको छ । पछिल्लो समय नेपालमा आयात हुने वस्तुहरुको सूचीमा स्मार्टफोन प्रत्येक बर्षजसो माथि उक्लिँदै गएको देख्न सकिन्छ ।

भन्सार विभागका अनुसार चालु आवको सात महिनामा मात्रै नेपालमा १७ अर्ब ३८ करोड ३६ लाख रुपैयाँ बराबरको ११ लाख २६ हजार थान स्मार्टफोन भित्रिएका छन् । यससँगै नेपालमा धेरै आयात हुने वस्तुको सूचीमा स्मार्टफोट छैठौं स्थानमा परेको छ । त्यसअघि पहिलो दोस्रो र तेस्रो स्थानमा क्रमशः डिजेल, पेट्रोल र खाना पकाउने ग्याँस छन् । यस्तै चौथो र पाँचौं स्थानमा भने क्रमशः फलाम र स्टिल छन् ।