काठमाडौं । नेपाल आयल निगमले पेट्रोल, डिजेल, मट्टीतेल र खाना पकाउने ग्यासको मूल्य बढाएको छ । निगमले बिहीबारदेखि लागू हुने गरी पेट्रोल, डिजेल, मट्टीतेल र ग्यासको मूल्य बढाएको जानकारी दिएको हो ।
निगमले पेट्रोलमा प्रतिलिटरमा चार रूपैयाँ, डिजेल तथा मट्टीतेलमा प्रतिलिटरमा २ रूपैयाँ तथा खाना पकाउने ग्यास प्रतिसिलिन्डर १५ रूपैयाँ बढाएको छ ।
भारतीय आयल कर्पोरेसन (आइओसी) ले पठाएको मूल्यसूची अनुसार निगमले नयाँ मूल्य तोकेको जनाएको छ । निगमका अनुसार आइओसीले पेट्रोलमा प्रतिलिटर ४ रूपैयाँ ५३ पैसा, डिजेलमा दुई रूपैयाँ ३२ पैसा र ग्यास प्रतिसिलिन्डर १५ रूपैयाँ ७८ पैसा बढाएर नयाँ मूल्य सूची पठाएको छ ।
मुल्य बढेपछि काठमाडौंमा अब पेट्रोलको मूल्य १७० रूपैयाँ प्रतिलिटर पर्नेछ भने डिजेल र मट्टीतेल १५८ रूपैयाँ पर्नेछ । त्यस्तै खाना पकाउने ग्यासको मूल्य भने देशभर १ हजार ९ सय १० रूपैयाँ भएको छ ।
