काठमाडौं । आइतबार र सोमबार बढेको सेयर बजारमा साताको तेस्रो कारोबार दिन मंगलबार पनि वृद्धि कायमै रहेको छ । मंगलबार सेयर बजार १४.८८ अंकले बढेर २११९ को विन्दुमा पुगेको छ । मंगलबार सेयर बजारमा सुधार आउँदा ५ अर्ब ५४ करोड ४२ लाख १७ हजार ५९३ रुपैयाँको एक करोड ५१ लाख ७८ हजार ३६८ कित्ता सेयर कारोबार भएको नेप्सेको जानकारीमा छ ।
मंगलबार सबैभन्दा बढी हिमालयन रिइन्स्योरेन्स लिमिटेडको सेयर कारोबार भएको छ । सो कम्पनीको ७५ करोड २७ लाख ८६ हजार रुपैया बराबरको कारोबार भएको छ । कारोबार रकमको आधारमा दोस्रो स्थानमा रहेको ङादी ग्रुप पावरको २२ करोड २० लाख ३३ हजार रुपैयाँ बराबरको सेयर खरिद बिक्री भएको छ ।
त्यस्तै आज नेपाल रिइन्स्योरेन्स कम्पनीको २० करोड ७८ लाख ४४ हजार रुपैयाँ, अरुण भ्याली हाइड्रोपावरको १४ करोड ९७ लाख ९३ हजार रुपैयाँ र यूनाइटेड मोदी हाइड्रोपावरको १३ करोड ४९ लाख २३ हजार रुपैयाँको कारोबार भएको हो ।
यस्तै मंगलबार चन्द्रगिरी हिल्स, समाज लघुवित्त र रावा इनर्जी डेभलपमेन्ट सेयरमा सकरात्मक सर्किट लाएको छ । त्यसैगरी, सिनर्जी पावर डेभलपमेन्टको ८.७२ प्रतिशत, सिंगटी हाइड्रोको ८.२३ प्रतिशतले सेयर मूल्य बढेको छ ।
