काठमाडौं । बिहीबार बसेको मन्त्रिपरिषदको बैठकले सरकारी कार्यालयले सामाजिक संजाल प्रयोग गर्नेसम्बन्धी निर्देशिका, २०८० स्वीकृत गरेको छ । बैठकले मन्त्रिपरिषदको सामाजिक समितिबाट पेश भएको उक्त निर्देशिका स्वीकृति गर्ने निर्णय गरेको हो ।
यस्तै आजको बैठकले राष्ट्रियसभा सदस्य निर्वाचन ऐन, २०७५ को दफा २ को खण्ड (ख)को प्रयोजनका लागि राष्ट्रिय जनगणना, २०७८ को कूल जनसंख्याको ०.५ प्रतिशतभन्दा कम जनसंख्या रहेका अल्पसंख्यक जातजाति (दलितबाहेक)लाई अल्पसंख्यकको रुपमा तोक्ने निर्णयसमेत गरेको छ ।
यस्तै अपाङ्गता भएका व्यक्ति सम्बन्धी राष्ट्रिय नीति, २०७९ स्वीकृत गर्ने निर्णय पनि आजको मन्त्रिपरिषदको बैठकले गरेको छ । आजको बैठकले राष्ट्रिय बालबालिका नीति, २०७९ स्वीकृत गर्ने निर्णय गरेको बताईएको छ ।
