काठमाडौंको ठमेलस्थित नर्सिङह चोकमा आइतवार विहान पौने १० बजे आगलागी भएको छ । नर्सिङ चोकस्थित दुर्गालाल श्रेष्ठको घरमा आगलागी भएको हो ।
श्रेष्ठको कपडा गोदाममा विद्युत सट भएर आगलागी भएको प्रहरीले जनाएको छ ।
आगलागीबाट गोदाममा भण्डारण गरेर राखिएका आधा जति कपडा जलेको र ७०/८० लाख मूल्य बराबरको क्षति भएको बताइएको छ । दमकल र सोह्रखुट्टे प्रहरीको सहयोगमा २० मिनेटभित्र नियन्त्रणमा लिइएको बताइएको छ । आगो निभाउन जुद्ध वारुण यन्त्रका दमकमल, नेपाली सेना, प्रहरी र स्थानीयबासी खटिएका थिए ।
