बिजखबर संवाददाता
९ पुस, काठमाडौं । यस वर्षको क्रिसमसको अवसर पारेर ब्रिटिस कलेजले क्रिसमस पार्टी गरेका छन् । क्रिस्चियन तथा गैर क्रिस्चियन युवा विद्यार्थीहरुको लागि मनोरञ्जनको साथै खुसि साट्नको लागि काठमाडौंको थापाथलीमा रहेको ब्रिटिस कलेजमा सो कार्यक्रम गरिएको थियो ।
क्रिसमसको अवसरमा आयोजना गरिएको ‘क्रिसमस पार्टी’मा युवा विद्यार्थीहरु सभागी भएका थिए । विहान ९ बजेदेखि सुरु भएको क्रिसमस पार्टीमा फुड फेस्टिबलसंगै साँस्कृतिक कार्यक्रम भएको थियो ।
सहभागी विद्यार्थीमध्ये झम्सिखेलकी गृष्मा श्रेष्ठले क्रिस्मस डेको पार्टीले रमाइलो महशुस भएको बताईन । श्रेष्ठले यस्ता कार्यक्रमले धार्मिक सद्भाव र युवामा एकताको सन्देश दिने सुनाइन ।
पार्टीमा आइपुगेका विद्यार्थीहरुले सान्टाक्लजको भेषमा सजिएर धेरै विद्यार्थीहरुले तस्विरहरु पनि लिएका थिए । क्रिसमस पार्टीको सफल बनाउन सक्रिय बनेका अर्का विद्यार्थी रोशनराज मेहताले क्रिसमस पार्टी एकदमै रमाइलो भएको बताए ।
क्रिसमस पार्टीलाई एउटा अवसर बनाएर साथीभाइबीच खुशीयाली साटें । र, भने–ह्याप्पी क्रिसमस इभ, मेरी क्रिसमस ।
