काठमाडौं । सरकारले गाउँ विकास समितिलाई दिँदै आएको अनुदानलाई दोब्बरले बृद्धि गरेको छ । २०५१ सालमा एमालेले ल्याएको आफ्नो गाउँ आफै बनाउन भन्ने नारालाई सार्थकता दिन सरकारले उक्त बजेटलाई दोब्बरले बढाएको छ ।
त्यसरी बजेट विनियोजन गर्दा गाउँ–गाउँमा पूर्वाधार विकास गर्न सहयोग पुगेको भन्दै सरकारले उक्त रकमलाई दोब्बरले बढाएको हो । आगामी दिनमा एउटा गाविसले न्युनतम ५० लाख रुपैयाँभन्दा बढी रकम पाउने छ ।
यसैगरी, सरकारले आगामी आवको बजेट वक्तव्य मार्फत एकल महिला, बृद्धबृद्धा तथा अपाङ्गता भएका व्यक्तिलाई दिँदै आएको भक्तालाई पनि दोब्बरले बृद्धि गरेको छ । जसको लागि सरकारले ३२ अर्ब ६० करोड रुपैयाँ विनियोजन गरेको छ ।
