काठमाडौं । सरकारले चालू आर्थिक वर्ष २०७९।८० मा नेपालको कुल ग्रार्हस्थ्य उत्पादन आधारभुत मूल्यमा २।१६ प्रतिशतले बढ्ने प्रक्षेपण गरेको छ । आज केन्द्रीय तथ्यांक विभागले हालसम्मको तथ्यांक सार्वजनिक गर्दै चालू आवमा उक्त आर्थिक वृद्धि हुने प्रक्षेपण गरेको हो । यसैगरी विभागले उपभोक्ता मूल्यमा भने १.८६ प्रतिशत आर्थिक वृद्धि हुने प्रक्षेपण गरेको छ ।
विभागको तथ्यांक अनुसार चालू आर्थिक वर्षमा नेपालको जीडीपीको आकार बढेर आधारभुत मूल्यमा ४६ खर्ब ९६ अर्ब रुपैयाँ पुग्ने भएको छ । तर चालू मुल्य अनुसार जीडीपी उपभोक्ता मूल्यमा भने ५३ खर्ब ८१ अर्ब रुपैयाँ पुग्ने प्रक्षेपण गरेको छ ।
कुल ग्रार्हस्थ्य उत्पादनमा पुँजी निर्माण २५.२१ प्रतिशत अर्थात १३ खर्ब ५६ अर्ब रुपैयाँ हुने छ भने उपभोग खर्च ९३.५९ प्रतिशत आर्थत ५० खर्ब ३६ अर्ब रहनेछ । यसैगरी कुल ग्रार्हस्थ उत्पादनको ३६.५ प्रतिशत अर्थात १९ खर्ब ६४ अर्ब रुपैयाँ बरावरको वस्तु तथा सेवा आयात हुँदा ७.१६ प्रतिशत अर्थात ३ खर्ब ८५ अर्ब रुपैयाँको मात्र वस्तु तथा सेवा निर्यात हुने प्रक्षेपण गरिएको छ ।
