काठमाडौं । नेपालका एकमात्र डलर अर्बपतिका रुपमा रहेका उद्योगी विनोद चौधरीले सम्पत्ति वृद्धिमा छलाङ मारेका छन् । विश्वका धनीहरुको सूची प्रकाशन गर्ने फोर्ब्स म्यागजिनका अनुसार चौधरीको सम्पत्ति एक वर्षमा ३० करोड डलर बढेको हो । चौधरीको सम्पत्ति एक अर्ब ८० करोड डलर पुगेको छ ।
सन् २०२२ मा उनको सम्पत्ति एक अर्ब ५० करोड डलर थियो । फोर्ब्सको सूची अनुसार चौधरी संसारका एक हजार ६४७ औं धनी व्यक्ति हुन् । उनी नेपालका एक्ला अर्बपति हुन् ।
अर्बपति चौधरी गत मंसीर ४ मा भएको प्रतिनिधि सभा निर्वाचनमा नवलपरासी (बर्दघाट पश्चिम) बाट निर्वाचित भएका थिए । उनी नेपाली कांग्रेसका नेता हुन् । यसअघि उनी नेकपा (एमाले) बाट संविधान सभा सदस्य बनेका थिए ।
