काठमाडौं । पछिल्लो समय बैंक तथा वित्तीय संस्थाविरुद्ध कर्जावाहक नै अराजक हुन थालेपछि गृहमन्त्रालयले यसमा चासो देखाएको छ । सोही अनुार गृहमन्त्रालयले ७७ वटै जिल्लाका प्रमुख जिल्ला अधिकारी (सीडीओ)लाई बैंक तथा वित्तीय संस्थाका कर्मचारीको सुरक्षामा अलर्ट रहन निर्देशन परिपत्र गरेको हो । गएको शुक्रबार एक परिपत्र जारी गर्दै सबै जिल्लाका सीडीओलाई यस्तो निर्देशन दिएको हो ।

केहि समयअघि जाजरकोटमा लघुवित्त संस्थाका कर्मचारीलाई कालोमोसो दलेको, मोरङमा जीवन विकास लघुवित्तका कर्मचारी कुटिएका घटनासँगै बैंकिङ क्षेत्रका कर्मचारी त्रसित भएका छन् । यस्ता घटना अझै नदोहोरिउन भन्नका निम्ति वित्तीय क्षेत्रका कर्मचारीको सुरक्षामा विशेष चासो दिएको गृह स्रोतले जानकारी दिएको छ ।