काठमाडौं । शुक्रबार नेपाली बजारमा सुन र चाँदीको मूल्यमै सामान्य गिरावट आएको छ । नेपाल सुनचाँदी व्यवसायी महासंघका अनुसार शुक्रबार नेपाली बजारमा सुनको मूल्य प्रतितोला १ सय रुपैयाँले घट्दा चाँदीको मूल्य प्रतितोला ५ रुपैयाँले घटेको हो ।
महासंघका अनुसार नेपाली बजारमा सुन बिहीबार प्रतितोला १ लाख २ हजार ६ सय रुपैयाँ कारोबार भईरहेकोमो आज घटेर प्रतितोला १ लाख २ हजार ५ सय रुपैयाँ पुगेको हो । यस्तै आज चाँदीको मूल्य पनि बिहीबारको तुलनामा प्रतितोला ५ रुपैयाँले घटेर १ हजार २ सय ६५ रुपैयाँ पुगेको छ ।
