काठमाडौं । गृहमन्त्री रवि लामिछानेको सांसद पद खारेज भएको छ । सर्वोच्च अदालतले शुक्रबार उनका विरुद्ध परेको रिटको फैसला गरेपछि उनको सांसद पद खारेज भएको हो ।
सांसदमा उम्मेद्वारी मनोनयनका क्रममा गृहमन्त्री लामिछानेले अमेरिकी नागरिकता परित्याग गरेपछि नेपाली नागरिकता पुनः प्राप्तिका लागि प्रक्रिया नै नथालेकाले उनको उम्मेदवारी र निर्वाचित गर्ने निर्णय खारेज भएको हो ।
राष्ट्रिय स्वतन्त्र पार्टी (रास्वपा)का सभापति समेत रहेका लामिछाने चितवन–२ बाट प्रतिनिधिसभा सदस्यमा निर्वाचित भएका थिए । सांसद पद खारेज भएसँगै उनको गृहमन्त्री र उपप्रधानमन्त्री पद पनि खारेज भएको छ ।
