काठमाडौं । यती एयरलाइन्सले आज तय गरिएका सबै उडान बन्द गरेको छ । यति एयरलाइन्सले आइतबार नै विज्ञप्ति जारी गरी सोमबारका लागि पूर्वनिर्धारित सबै उडान रद्द गरेको जनाएको हो ।
एयरलाइन्सले आपत्कालीन र उद्धार उडान भने जारी रहने जनाएको छ । आइतबार बिहान १० बजेर ३२ मिनेटमा काठमाडौंबाट पोखराका लागि उडेको ९एनएएनसी विमान पोखरा विमानस्थलनजिक सेती नदीको खोँचमा खसेको थियो ।
उक्त विमानमा चालक दलका चार सदस्यसहित ७२ जना सवार थिए । त्यसमध्ये हालसम्म ६८ शव फेला परेको नेपाल नागरिक उड्ड्यन प्राधिकरणले जनाएको छ । बाँकी रहेका तीन जनाको पनि जिवित उद्धा र सम्भावना सकिएको छ ।
