काठमाडौं । इन्टरनेशनल मनी एक्स्प्रेस (आईएमई)ले नेपालीहरुको नयाँ वर्ष २०७३ लाई लक्षित गरी ३ महिने उपहार योजना ल्याएको छ । आईएमईले जापानस्थित क्योदाई रेमिटेन्सको सहकार्यमा उक्त योजना ल्याएको हो ।
यस योजना अन्तर्गत जापानबाट नेपाल आईएमईमार्फत रेमिट्यान्स पठाउने सेवाग्राहीमध्ये लक्की ‘ड्र’ मार्फत साप्ताहिक रुपमा १ जना विजेता छानिने छ । उक्त विजेताले जापान–नेपालका लागि राउन्ड ट्रिप टिकेट जित्नेछन् । उक्त टिकेट विजेता घोषणा गरिएको मितिबाट १ वर्ष सम्मका लागि मान्य हुने छ ।
विजेताहरुको छनौट साप्ताहिक रुपमा सफ्टवेरबाट सन्चालित लक्की ‘ड्र’ बाट गरिनेछ । १ अप्रिल देखी ३० जुन २०१६ सम्मका लागि लागु हुने यस योजना अवधिभर १२ वटा लक्की ‘ड्र’ गरिनेछन् ।
