काठमाडौं । शुक्रबार नेपाली बजारमा सुनको मूल्य प्रतितोला १ हजार रुपैयाँले घटेको छ । नेपाल सुनचाँदी व्यवसायी महासंघका अनुसार बिहीबार प्रतितोला ९२ हजार ५ सय रुपैयाँमा कारोबार भईरहेको सुन शुक्रबार घटेर प्रतितोला ९१ हजार ५ सयमा कारोबार भएको हो ।
अन्तरराष्ट्रिय बजारमा सुनको मूल्य लगातार ओरालो लाग्दा त्यसको असर नेपालमा पनि देखिएको हो ।
यस्तै आज चाँदीको मूल्य पनि प्रतितोला १० रुपैयाँले घटेको छ । बिहीबार प्रतितोला ११ सय ८० रुपैयाँमा कारोबार भईरहेको चाँदीको मूल्य आज घट्दै प्रतितोला ११ सय ७० मा पुगेको हो ।
