काठमाडौं । शुक्रबार नेपाली बजारमा सुनको मूल्य प्रतितोला ४ सय रुपैयाँले घटेको छ । बिहीबार प्रतितोला ९५ हजार ९ सय रुपैयाँमा कारोबार भईरहेको सुनको मूल्य शुक्रबार घटेर प्रतितोला ९५ हजार ५ सय रुपैयाँ पुगेको हो ।
नेपाल सुनचाँदी व्यवसायी महासंघका अनुसार आज चाँदीको मूल्य पनि प्रतितोला १० रुपैयाँले घटेको छ । बिहीबार प्रतितोला ११ सय ९५ रुपैयाँमा कारोबार भईरहेको चाँदीको मूल्य आज घट्दै प्रतितोला ११ सय ८५ रुपेयाँ पुगेको हो ।
