काठमाडौं । नेपालमा एकैदिन ८ सय ९५ जना कोरोनाका नयाँ संक्रमित थपिएका छन । स्वास्थ्य तथा जनसंख्या मन्त्रालयका अनुसार ५ हजार ९ सय ९ जनामा गरिएको नमुना परीक्षणमा ८ सय ९५ जनामा उक्त संक्रमण पुष्टि भएको हो ।
आज ३ हजार ६ सय ५८ पीसीआर नमुना परीक्षण गर्दा ६ सय ३२ जनामा संक्रमण पुष्टि भएको छ । यस्तै २ हजार २ सय २४ एन्टिजेन नमुना परीक्षण गर्दा २ सय ६३ जनामा संक्रमण पुष्टि भएको मन्त्रालयले जानकारी दिएको छ ।
उक्त अवधिमा १ जना संक्रमितको मृत्यु भएको छ । संक्रमण निको भएर घर जानेको संख्या २ सय ६४ रहेको छ । हाल देशभर कुल सक्रिय संक्रमितको संख्या ४ हजार ९ सय ३४ रहेको मन्त्रालयले उल्लेख गरेको छ ।
