काठमाडौं । पछिल्ला केहीदिनयता नेपालका अर्थमन्त्री जर्नादन शर्माको राजनीनामा माग चर्किरहेको छ । बजेट निर्माण प्रक्रियामा गैराकानूनी गतिविधि गरेको आरेप लगोका अर्थमन्त्री शर्माको राजीनामाको माग संसददेखि सडकसम्म उठेको छ ।
गम्भीर आरोप लागेका अर्थमन्त्री शर्माले भने कुनै पनि हालतमा राजीनामा नदिने अडान व्यक्त गरिरहेका छन् भने प्रधानमन्त्री शेरबहादुर देउबा पनि उनलाई तत्काल हटाउने पक्षमा रहेको देखिदैन । यस्तोमा अहिले नेपालका मन्त्रीहरुमा नैतिकता नभएको भन्ने धारणा सामाजिक सञ्जालमा पनि देखिन्छ ।
तर, प्रजातन्त्रको जननी भपनिएको बेलायतमा भने अवस्था निकै फरक छ । बेलायतका अर्थमन्त्री ऋषि सुनक र स्वास्थ्य सचिव साजिद जाविदले प्रधानमन्त्री बोरिस जोन्सनले गरेको नियुक्तिमा चित्त नबुझेको भन्दै राजीनामा नै दिएका छन् । अहिले यी दुई मन्त्रीको राजीनामापछि प्रधानमन्त्री बोरिस जोन्सनको सरकार संकटमा परेको छ । प्रधानमन्त्रीको नेतृत्वको आलोचना गर्दै सुनक र जाविदले राजीनामा दिएका हुन् ।
आफ्नो सरकारमा यौन दुर्व्यबहारको आरोपको सामना गरेका टोरी सांसद नियुक्त गरेकोमा प्रधानमन्त्री जोनसनले माफी मागिरहेका बेला सुनक र जाविदको राजीनामा आएको हो ।
सुनकले आफ्नो राजीनामा पत्रमा ‘सरकार छाड्दा दुखी’ भएको तर सरकारलाई साथ दिन नसक्ने निस्कर्षमा पुगेको बताएका छन् । सुनकले राजीनामा पत्रमा भनेका छन्, ‘सरकारलाई सही, सक्षम र गम्भीरताका साथ सञ्चालन गर्ने जनताको अपेक्षा छ । ’ जनताले ‘सरकार सही, दक्ष र गम्भीरताका साथ सञ्चालन हुने’ उनले अपेक्षा गरेका छन् ।
