काठमाडौं । चालु आर्थिक बर्षको ११ महिना (साउनदेखि जेठसम्म)मा नेपालमा ४ हजार ६ सय ५३ किलो सुन आयात भएको छ । भन्सार विभागका अनुसार नेपालले ११ महिनामै उक्त परिमाणमा सुन आयात गरेको हो ।

यसमार्फत नेपालले ११ महिनामै ३२ अर्ब ६९ करोड रुपैयाँ विदेश पठाएको छ । पछिल्लो समय विश्वबजारमा बढेको सुनको मूल्यका कारण नेपालले गर्ने सुन आयात उच्च छ ।

सरकारले दैनिक १० किलो सुनमात्रै आयात गर्न पाउने व्यवस्था गरेपनि ११ महिनामा आयात भएको सुनलाई दिनमा भाग गर्दा दैनिक १४ किलो सुन आयात भएको देखिन्छ । यसमार्फत नेपालले प्रतिदिन ९ करोड ९० लाख ८९ हजार रुपैयाँ विदेश पठाईरहेको देखिन्छ ।