काठमाडौं । सरकारले चालु आर्थिक बर्षको फागुन मसान्तसम्म सामाजिक सुरक्षावापत ४६ अर्ब ४२ करोड ३५लाख ४० हजार रुपैयाँ खर्च गरेको छ । अर्थमन्त्री जनार्दन शर्माले संघीय संसदको प्रतिनिधि सभामा पेश गरेको चालु आर्थिक बर्षको आर्थिक सर्वेक्षणमा उक्त कुरा उल्लेख छ ।
सर्वेक्षण अनुसार फागुन मसन्तसम्म ३४ लाख ५० हजार ८ सय जनालाई उक्त रकम वितरण गरिएको हो । जसमा ज्येष्ठ नागरिक, एकल महिला, अपांग भएका व्यक्तिहरु, लोपोन्मुख जाति, बालबालिकालगायत रहेका छन् । फागुन मसान्तसम्म सामाजिक सुरक्षाको अनलाईन प्रणालीमा २८ लाख बढी सेवाग्राहीहरु जोडिएका छन् ।
