काठमाडौं । सरकारले एक साताकै अन्तरालमा पुनः सार्वजनिक सवारीसाधनको भाडा बढाएको छ । पेट्रोलियम पदार्थको मूल्य बढेको भन्दै स्वचालित भाडादर निर्धारण प्रणाली अनुसार यातायात व्यवस्था विभागले पुनः गाडीको भाडा बढाएको हो ।
यसअघि गत ४ गते मात्रै एकैचोटी पेट्रोलियम पदार्थको मूल्य १० रुपैयाँले बढेको भन्दै विभागले सार्वजनिक सवारीसाधनको भाडादर ५ प्रतिशतसम्मले बढाएको थियो ।
विभागको स्वचालित भाडादर समायोजन प्रणाली अनुसार पेट्रोलियम पदार्थको मूल्य ५ प्रतिशतले घटबढ भएमा मूल्य समायोजन हुने व्यवस्था छ ।
