काठमाडौँ । काठमाडौँ महानगरपालिकाको मेयरमा स्वतन्त्र उम्मेदवार बालेन्द्र साहले स्पष्ट अग्रता कायम गर्दै विजय उन्मुख बनेका छन् । बालेनले पहिलो स्थानमा फराकिलो अग्रता कायम गरिरहँदा दोस्रो स्थानमा तीव्र प्रतिस्पर्धा छ ।
पहिलो स्थानमा रहेका बालेन उनीहरूभन्दा धेरै अगाडि छन् । उनको लौरो चिन्हमा ३९००६ मत आएको छ । पछिल्लो पटक कांग्रेस र एमालेसँग बालेनको प्रतिशत मतान्तर केही कम भए पनि अग्रता निकै फराकिलो छ ।
पछिल्लो मतपरिणामअनुसार कांग्रेसकी उम्मेदवार सिर्जना सिंहले एमालेका केशव स्थापितलाई उछिनेकी छन् । अहिलेसम्म सिर्जनाको २२००७ मत आएको छ भने स्थापितले २१५७१ मत ल्याएका छन् । सिर्जनाले पछिल्लो समय स्थापितलाई पछि पारिररहेकी छन्। अहिलेसम्म १००९५३७ मतगणना भएको छ ।
