काठमाडौं । पछिल्लो २४ घण्टामा नेपालमा थप ७ सय ४७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ८ हजार ६ सय ९६ जनामध्ये ६ हजार २ सय ७९ नमुनाको पीसीआर परीक्षण गर्दा ४ सय ८२ र २ हजार ४ सय १७ जनाको एन्टीजेन परीक्षण गर्दा २ सय ६५ गरी ७ सय ४७ जनामा संक्रमण पुष्टि भएको हो ।
पछिल्लो २४ घण्टामा दुई हजार ३१९ जन संक्रमणमुक्त भएका छन् । हाल देशभर २० हजार ७३९ संक्रिय संक्रमित छन् । जसमध्ये १९ हजार ९३० संक्रिय संक्रमित होम आइसोलेसनमा छन् भने ८०९ जना संस्थागत आइसोलेसनमा छन् । आज कोरोनाका कारण थप ८ जनाको मृत्यु भएको छ ।
