काठमाडौं । पछिल्लो २४ घण्टामा थप ५ सय २१ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका अनुसार देशभर ६ हजार ७३ जनाको पीसीआर परीक्षण गर्दा ४ सय २७ जनामा र ४ हजार ७८ जनाको एन्टीजेन परीक्षण गर्दा ९४ जनामा गरी कुल ५ सय २१ जनामा संक्रमण पुष्टि भएकोे हो ।
मन्त्रालयले सोहि अवधिमा ३ हजार ९ सय ३५ जना संक्रमित निको भएका र १० जना संक्रमितको मृत्यु भएको जानकारी दिएको छ । देशभर हाल सक्रिय संक्रमितको संख्या २२ हजार ५ सय ८४ रहेको छ ।
