काठमाडौं । पछिल्लो २४ घण्टामा नेपालमा थप १ हजार १ सय २८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज १७ हजार ४ सय ४७ जनाको पीसीआर परीक्षण गर्दा ६ सय ६६ जना र ३ हजार ५ सय ४२ जनाको एन्टिजेन परीक्षण गर्दा ४ सय ६२ जनामा कोरोना संक्रमण पुष्टि भएको हो ।

मन्त्रालयका अनुसार पछिल्लो २४ घण्टामा कोरोना संक्रमणका कारण १४ जनाको मृत्यु भएको छ । उक्त अवधिमा कोरोना संक्रमणमुक्त हुनेको संख्या २ हजार २ सय १५ रहेको छ । त्यसैगरि देशभर कोरोना भाइरसका सक्रिय संक्रमितको संख्या २७ हजार ४ सय ४१ रहेका मन्त्रालयले जानकारी दिएको छ ।