काठमाडौं । पछिल्लो २४ घण्टामा नेपालमा १ हजार ५ सय ७० जनामा कोरोना भाईरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ११ हजार ३ सय ६५ नमुना परीक्षण गरिएको थियो । ७ हजार ८ सय ७४ जनाको पीसीआर परीक्षण गर्दा १ हजार २२ र ३ हजार ४ सय ९१ जनाको एन्टीजेन परीक्षण गर्दा ५ सय ४८ गरी १ हजार ५ सय ७० जनामा संक्रमण पुष्टि भएको छ ।
पछिल्लो २४ घण्टामा ६ हजार १४६ जना संक्रमणमुक्त भएका छन् । हाल देशभर ४० हजार १११ संक्रिय संक्रमित छन् । जसमध्ये ३८ हजार ८८३ संक्रिय संक्रमित होम आइसोलेसनमा छन् भने एक हजार २२८ जना संस्थागत आइसोलेसनमा छन् ।यस्तै पछिल्लो २४ घण्टामा नेपालमा कोरोनाकै कारण १३ जनाको निधन भएको मन्त्रालयले जानकारी दिएको छ ।
