काठमाडौं । पछिल्लो २४ घण्टामा नेपालमा थप २ हजार ५ सय २६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कुल ११ हजार ७३ जनाको नमुना परिक्षणमा उक्त जनामा कोरोना संक्रमण पुष्टि भएको हो ।
आज ६ हजार ६ सय ५५ जनाको आरटी पीसीआर र ४ हजार ४ सय १८ जनाको एन्टिजेन परिक्षणमा क्रमशः १ हजार ६ सय २ र ९ सय २४ जनाको कोरोना संक्रमण पुष्टि भएको हो ।
यस्तै पछिल्लो २४ घण्टामा कोरोनाका कारण १६ जनाको निधन भएको छ । आजै ८ हजार ४ सय २५ जना संक्रमितले कोरोना जितेर घर फर्किएका छन् । ५६ हजार ४ सय ५७ जना सक्रिय संक्रमित रहेको स्वास्थ्य मन्त्रालयले पुष्टी गरेको छ।
