काठमाडौं । पछिल्लो २४ घण्टामा कोरोनाका कारण मृत्यु हुनेको संख्या १२ जना पुगेको छ । स्वास्थ्य तथा जनसंख्या मन्त्रालयका अनुसार आज मात्रै नेपालभर कुल १२ जनाले कोरोनाका कारण ज्यान गुमाउनु परेको हो ।
मन्त्रालयका अनुसार आज पछिल्लो २४ घण्टामा थप ३ हजार ६ सय ३७ जनामा कोरोना भाइरस संक्रमण पुष्टि भएको छ ।
आज ६ हजार ४ सय ९९ जनाको पीसीआर परीक्षण गर्दा २ हजार २ सय ५ जना र ५ हजार ८३ जनाको एन्टीजेन परीक्षण गर्दा १ हजार ४ सय ३२ जना गरी कुल ३ हजार ६ सय ३७ जनामा कोरोना संक्रमण पुष्टि भएको हो ।
हाल देशभरमा ६९ हजार २९१ सक्रिय संक्रमित छन् भने ७ हजार ५ सय ५५ जना संक्रमणमुक्त भएका छन् ।
