काठमाडौं । पछिल्लो २४ घण्टामा नेपालमा थप ५ हजार २ सय ९२ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज १० हजार ३ सय ६८ जनाको पीसीआर परीक्षण गर्दा ३ हजार ४ सय ७२ जना र ५ हजार ७ सय २० जनाको एन्टीजेन परीक्षण गर्दा १ हजार ८ सय २० जना गरी कुल ५ हजार २ सय ९२ जनामा कोरोना संक्रमण पुष्टि भएको हो ।
यससँगै देशभर कोरोनाका सक्रिय संक्रमित ७९ हजार २सय ७२ जना पुगेका छन् भने ८ हजार १ सय ९१ जना संक्रमणमुक्त भएका छन् ।सोमबार नेपालमा कोरोनाका कारण थप ८ जनाको निधन भएको मन्त्रालयले जानकारी दिएको छ ।
