काठमाडौं । आज धेरैलाई बिटक्वाइनको बारेमा थाहा छ । संसारभरि सबैभन्दा लोकप्रिय क्रिप्टोकरेन्सीका रुपमा यसलाई चिनिन्छ । धेरैले बिटक्वाइनमा पैसा लगानी गरेर मनग्य आम्दानी पनि गरिरहेका छन् । नेपालमा पनि सरकारले अब क्रिप्टोकरेन्सीसम्बन्धी कानुन ल्याउने तयारी गरेको बताइन्छ ।
बिटक्वाइन के हो, यसले कसरी काम गर्छ भन्ने धेरैलाई थाहा छ । तर, के तपाईलाई थाहा छ कि यो कसरी पत्ता लागेको थियो वा कसले सुरु गर्यो ? पक्कै पनि केही मानिसहरूले बिटक्वाइनको आविष्कार सातोशी नाकामोटोले गरेका हुन भनेर बताउन सक्छन् । तर, के तपाईलाई थाहा छ सतोशी को हो हुन् ?
सातोशी नाकामोटो को हुन् ?
सातोशी नाकामोटो एक गुमनाम व्यक्ति हुन । जसको बारेमा कसैलाई थाहा छैन। सन २००८ मा सतोशी नाकामोतो नामक व्यक्तिले ९ पृष्ठको श्वेतपत्र सार्वजनिक गरे । जसले बिटक्वाइनको दर्शनको बारेमा कुरा गरेको थियो। बिटक्वाइन भनेको एउटा नगद प्रणाली हो जुन सरकारको पहुँच बाहिर रहेर काम गर्न सक्छ। केही महिना पछि सातोशीले एक सफ्टवेयर जारी गरे जसमार्फत प्रयोगकर्ताहरूले बिटक्वाइनहरू माइनिङ गर्न सके । यसैक्रममा नाकामोटो सन् २०११ मा रहस्यमय रूपमा बेपत्ता भएका थिए ।
२०११ देखि वेपत्ता भए नाकामोटो
बिटक्वाइनको आविष्कारकर्ता नाकामोटो सन् २०११ मा क्रिप्टोको सम्पूर्ण दुनियाँबाट रहस्यमय ढंगले बाहिरिए । उनले आफ्ना डेभलपर साथीलाई इमेल पठाएउँदै अब आफु अर्को कुनै परियोजनामा काम गर्न लागेको बताएका थिए । नाकामोटोले छाड्नुअघि करिब ११ लाख बिटक्वाइन उत्खनन गरेको विश्वास गरिन्छ।
एउटा प्रश्न जुन अझै पनि प्रश्न नै छ
यो अचम्मको छ कि द्रुत रूपमा उन्नत प्रविधि विकास गरिररहेको संसारमा, एक व्यक्तिले उत्कृष्ट डिजिटल मोडेलहरू सिर्जना गर्दछ। एउटा मोडल जुन रहस्यले भरिएको छ। यस्तो मोडल जसमा सरकारहरूले पनि नजर राख्न सक्दैनन्।
त्यो भन्दा पनि अचम्मको कुरा, कसले बनायो थाहा छैन। बेलाबेलामा धेरैले सतोशी भएको आशंका गरेका छन्, कतिपयले आफूलाई सतोशी भएको दाबी गरेका छन् तर वास्तविकता यो हो कि आजसम्म सतोशी नाकामोट को थिए र उनी अहिले छन् वा छैनन् भन्ने थाहा हुन सकेको छैन । अनुवाद गरिएको
