काठमाडौं । अर्थमन्त्रालय अन्तर्गतको निक्षेप तथा कर्जा सुरक्षण कोषको प्रमुख कार्यकारी अधिकृत (सिईओ) पदका लागि दरखास्त खुला गरिएको छ । मन्त्रालयले बिहीबार एक सूचना जारी गर्दै सिईओ पदका लागि आवेदन माग गरेको हो ।
उक्त पदमा आवेदन दिन योग्यता पुगेका ईच्छुक नेपालीले सूचना जारी भएको १५ दिनभित्र अर्थात कात्तिक २५ भित्र अर्थमन्त्रालयको वित्तीय क्षेत्र व्यवस्थापन तथा संस्थान समन्वय महाशाखा सिंहदरबारमा गोप्य शिलवन्दी आवेदन दिईसक्नुपर्नेछ ।
उक्त पदका लागि अर्थशास्त्र, वाणिज्यशास्त्र, व्यवस्थापन, वाणिज्य कानुन, लेखा, बैंकिङ वा बीमा बिषयमा कम्तिमा स्नातकोत्तर हाँसिल गरेको वा चार्टर्ड एकाउन्टेन्ट उपाधि हाँसिल गरी आर्थिक, बैंकिङ क्षेत्रमा ५ बर्ष काम गरेको हुनुपर्नेछ ।
यस्तै ३० बर्ष पुरा भई ६० बर्ष ननाघेको नेपाली नागरिक उक्त पदका लागि मान्य हुने सूचनामा उल्लेख छ ।
