काठमाडौँ । चीनबाट थप १० लाख २० हजार डोज कोरोना विरुद्धको भेरोसेल खोप नेपाल आइपुगेको छ । बुधबार काठमाडौँ आइपुगेको चिनियाँ खोप कोभ्याक्ससँगको लागत सेयरिङ योजना अन्तर्गतको रहेको हो ।
सरकारले कोभ्याक्ससँग लागत सेयरिंग अन्तर्गत ५९ लाख ३६ हजार डोज भेरोसेल खोप खरिद गर्ने सम्झौता गरेको छ । यसमध्ये आज १० लाख २० हजार डोज खोप काठमाडौँ आइपुगेको छ ।
नेपाल सरकारले चीनबाट अहिलेसम्म अनुदान र खरिद गरेर एक करोड २० लाख डोज भेरोसेल खोप ल्याइसकेको छ । नेपालले हालसम्म कुल १ करोड ८९ लाख ५९ हजार तीन सय ३० डोज खोप प्राप्त गरेको छ ।
त्यस्तै अहिलेसम्म नेपालमा पहिलो मात्रा ८६ लाख ३२ हजार २९३ र पूर्ण मात्रा ६७ लाख ९ हजार ९०५ जनाले लगाइसकिएको छ ।
