काठमाडौं । त्रिभुवन अन्तर्राष्ट्रिय विमानस्थलको धावनमार्गमा श्री एयरलाइन्सको जहाज चिप्लिएको छ । मंगलबार बिहान काठमाडौंबाट नेपालगन्ज जानका लागि पार्किङमा यात्रु राखेर रनवेमा जाने क्रममा श्रीको ९ एन एएनएफ जहाज चिप्लिएको हो ।
रनवेमा चिप्लिएको जहाज धावनमार्गबाट घाँसतिर गएको छ । जहाज धावन मार्गमा नभएको कारण बिमानस्थलमा उडान भने सुचारु अवस्थामा रहेको छ ।
सो बिमान पार्किङबाट रनवेमा जाने क्रममा चिप्लिएको विमानस्थल कार्यालयले जनाएको छ । चिप्लिएर घासे मैदानमा गएको जहाजबाट सबै यात्रुलाई निकालिसकिएको छ ।
यसअघि गत सोमबार काठमाडौंबाट नेपालगन्ज गएको बुद्धको जहाज ल्याणिङ गिएरमा समस्या भएर ल्याण्ड गर्न नसकेपछि काठमाडौं र्फकाईएको थियो ।
