काठमाडौं । नेपालमा ‘ट्याक्स हेभन कन्ट्री’ बाट वैदेशिक लगानी भित्र्ने क्रम बढेको छ । पछिल्लो समय त्यस्ता देशबाट नेपालमा वैदेशिक लगानी भित्रिन थालेको हो ।
नेपाल राष्ट्र बैंकको तथ्याङ्कअनसार ट्याक्स हेभन कन्ट्री सन्ट किष्टम एण्ड नेभिससबाट नेपालमा १५ अर्ब २७ करोड रुपैयाँ प्रत्यक्ष वैदेशिक लगानी भित्रिएको छ ।
राष्ट्र बैंकको तथ्याङ्क अनुसार नेपालमा भित्रने प्रत्यक्ष वैदेशिक लगानीमा ट्याक्स हेभन कन्ट्री तेस्रो स्थानमा रहेको छ । नेपालमा हालसम्म भारतबाट सबैभन्दा बढि लगानी भित्रिएको छ भने चीन दोस्रो स्थानमा रहेको छ । नेपालमा सबैभन्दा कम ताईवानबाट १० लाख रुपैयाँ मात्र वैदेशिक लगानी भित्रिएको छ ।
यसैगरी पछिल्लो समय वेदैशिक लगानीका कम्पनीहरुले लैजाने लाभांशमा भने उच्च गिरावट आएको छ । आर्थिक वर्ष २०७५।७६ को तुलनमा आव २०७६।७७ मा त्यस्ता कम्पनीले लैजाने लाभांशमा ६० प्रतिशतको गिरावट आएको छ । वैदेशिक लगानीका कम्पनीले आव २०७५।७६ मा २७ अर्ब ७८ करोड रुपैयाँ लाभांश लगेकोमा आव २०७६।७७ मा १२ अर्ब ९० करोड रुपैयाँ मात्रै लगेका छन् । पछिल्लो समय त्यस्ता कम्पनीहरुको मुनाफामा गिरावट आएसँगै लाभांश लैजाने क्रम घटेको राष्ट्र बैंकको तथ्याङ्कमा उल्लेख छ ।
तर सो सो अबधिमा वैदेशिक लगानीका कम्पीहरुको रिजर्भ भने बढेको छ । आर्थिक बर्ष २०७५।७६ मा त्यस्ता कम्पनीहरुको रिजर्भ २७ प्रतिशतले नकारात्म रहेकोमा आव ७६।७७ मा १४ प्रतिशतले मात्रै ऋणात्मक रहेको तथ्याङ्कले देखाएको छ ।
