काठमाडौं । नेपाली बजारमा आज (बिहीबार) सुनको मूल्यमा गिरावट आएको छ । नेपाल सुनचाँदी व्यवसायी महासंघका अनुसार आज छापावाला सुन तोलामा २ सयले घटेर प्रतितोला ९१ हजार १०० मा कारोबार भइरहेको छ ।

यसअघि बुधबार छापावाला सुन तोला ९१ हजार ३ सयमा कारोबार भएको थियो । त्यस्तै आज तेजावी सुनको मूल्य प्रतितोला ९० हजार ६०० रहेको छ ।

त्यसैगरी चाँदीको मूल्य भने स्थिर रहेको छ । आज चाँदी प्रतितोला १२१० मा कारोबार भइरहेको महासंघले जनाएको छ ।