काठमाडौं । नेपाल राष्ट्र बैंकले सेयर धितो ऋणमा कडाइ गरेको छ । सेयर धितोकर्जामा जोखिम न्यूनिकरण गर्ने उद्देश्य अनुरुप सेयर धितो कर्जाको सीमा तोकेको छ ।
जस अनुसार अबका दिनमा एउटा व्यक्तिले सेयर धितो राखेर बढिमा १२ करोड रुपैयाँ मात्र कर्जा लिन सक्नेछन् । साथै एक व्यक्तिले एउटा बैंकबाट बढिमा ४ करोड रुपैयाँ मात्रै लिन पाउनेछन् । यस अघि यस्तो कर्जामा कुनै सीमा थिएन ।
यदि कसैले यो सीमाभन्दा बढी ऋण लिएको भए निश्चित समयभित्र उक्त सीमामा झार्नुपर्ने छ । यसैगरी राष्ट्र बैंकले मर्जिन कर्जा मूल्यांकनलाई यथावत नै राखेको छ । जस अनुसार सेयर धितो कर्जामा ७० प्रतिशत नै ऋण लिन पाइने छ ।
