काठमाडौं । कमलपोखरीस्थित कुमारी हल सँधैका लागि बन्द भएको छ । कोरोना महामारीले व्यापार व्यवसायी चौपट भएसँगै यसका संचालकहरुले यसलाई सँधैका लागि बन्द गर्ने निर्णय गरेका हुन् ।
दुईवटा पर्दा भएको यो हलले नेपाली चलचित्र क्षेत्रको ३ दशक लामो इतिहास बोकेको छ । तर पछिल्लो समय विश्वभर फैलिएको कोरोना महामारी र यसले निम्त्याएको लकडाउनले चलचित्र क्षेत्र नै ध्वस्त भएपछि हल संचालनमासमेत बाधा आएको हो ।
यसका लागि उक्त हल भएको स्थानको सामानहरु समेत अहिले हटाउन थालिएको छ । अब चलचित्र भवन अन्य प्रयोजनका लागि प्रयोग गरिने बताइएको छ ।
