काठमाडौं । राजस्व अनुसन्धान विभागले अवैध रुपमा भारतबाट सुनका गहना ल्याउने २ जनाबाट १८ करोड ६५ लाख रुपैयाँ विगो दावी गरेको छ । राजस्व चुहावट गरेको भन्दै विभागले भारतीय नागरिक बाबुछोरी अशोक कुमार सिन्हा र निवेदिका सिन्हाविरुद्ध १८ करोड ६५ लाख रुपैयाँ विगोसहित जरिवाना र कैदको सजायको मागदावी गरेको छ ।
उनिहरु २ बाबुछोरीले भारतबाट अवैध रुपमा सुनका गरगहना भन्सार छलेर नेपाल ल्याएको आरोप छ । उनिहरुले २२ हजार ९ सय ५७ दशमलव ४८ ग्राम सुन र १ हजार ७८ ग्राहम चाँदीका गरगहना विना भन्सार नेपाल ल्याएको विभागले जानकारी दिएको छ ।
विभागका अनुसार उनिहरुल भारतको रक्सौलस्थित सिंहपुर, पूर्वी चम्पारणका स्थायी वासिन्दा हुन् । हाल उनिहरु विरगंजको रेशमकोठीमा बस्दै आएका थिए ।
