काठमाडौं । नेपालको उच्च शिक्षाको गुणस्तर सुधारका लागि विश्व बैंकले ६० मिलियन अमेरिकी डलर (करिब ७ अर्ब नेपाली रुपैयाँ) सहयोगको घोषणा गरेको छ ।
विश्व बैंकले विज्ञप्ति जारी गर्दै शुक्रबार बसेको बोर्ड अफ डाइरेक्टरको बैठकले सो रकम अनुमोदन गरेको जानकारी दिएको छ । बैंकले अनलाइन सिकाइमा जोड दिन र विपन्न वर्गका विधार्थीमा शिक्षाको पहुँच पुर्याउन सो सहयोग गरेको उल्लेख गरेको छ ।
बैंकका नेपाल, माल्दिभ्स र श्रीलंकाका निर्देशक फरिस हदाद जर्भोसले भने कोरोना महामारीले दक्ष जनशक्ति निर्माणको आवश्यकतालाई महसुस गराएको बताउदै महामारीका बेला नेपालमा गुणस्तरीय शिक्षाको पहुँचमा सुधार ल्याउन र श्रम बजारमा आवश्यक रहेको दक्ष जनशक्ति निर्माण गर्न यस सहयोगले भूमिका खेल्ने बताएका छन् ।
