काठमाडौं । काठमाडौं महानगरपालिकाले मंगलबारदेखि ६० देखि ६४ बर्ष उमेर समुहका वृद्धवृद्धालाई कोरोना विरुद्धको खोप लगाउने भएको छ । कामपाले सोमबार एक सूचना जारी गर्दै चिनियाँ खोप भेरोसेल लगाउने बताएको हो ।
महानगरपालिकाले विभिन्न वडामा आगामी शुक्रबार अर्थात जेठ २९ गतेसम्म खोप लगाउने जानकारी दिएको छ । जसका लागि बिहान १० बजेदेखि ४ बजेसम्मको समय तोकिएको छ ।
महानगरपालिकाले उक्त खोप लगाउनका लागि भन्दै तोकिएको समयमा सरकारी परिचयपत्र खुल्ने कागजात ल्याएर आउन आग्रह गरेको छ । यस्तै सरकारी कागजात नभएकाले वडा कार्यालयबाट उमेर खुल्ने सिफारिस ल्याएर आउन आग्रह गरेको छ ।
यस्तो छ सूचना :
