काठमाडौं । कोरोना महामारीका कारण विश्वमा बेरोजगारीको सङ्ख्या बढ्ने जनाएको छ । अन्तर्राष्ट्रिय श्रम संगठन (आइएलओ) बुधवार एक प्रतिवेदन प्रकाशन गर्दै कोभिड महामारीका कारण रोजगारीमा पर्ने असरको विस्तृत विवरण प्रस्तुत गरेको छ ।
सो प्रतिबेदनमा कोरोनाको महामारीका कारण विश्वमा लाखौँले रोजगारी गुमाएको तथा नयाँ रोजगारीका लागि तयार रहेका लाखौँ बेरोजगार भएका उल्लेख गरेको छ ।
यो वर्ष कोरोनाका कारण सात करोड ५० लाख मानिसको रोजगारी गुमेको आइएलओको तथ्यांकले जनाएको छ । आइएलओका निर्देशक गाय राइडले अर्को वर्ष अर्थात सन् २०२२ सम्म विश्वमा बेरोजगारीको सङ्ख्या २० करोड ५० लाख पुग्ने अनुमान गरिएको बताए ।
यसले गरिब तथा मध्यम देशमा असमानता बढाउने बताए । कुल १६४ पृष्ठ लामो ुविश्व रोजगार तथा सामाजिक परिदृश्य ः प्रवृत्ति २०२१ु नामक प्रतिवेदनका अनुसार, ठोस नीतिगत प्रयासको अभावमा महामारीले अप्रत्याशित विनाश मच्चाएको छ । यसको असर कैयौं वर्षसम्म रहनेछ । रोजगारी र काम गर्ने समयमा कमीका कारण बेरोजगारी संकट थप गहिरो बन्नेछ ।
महामारीको संकट नआएको भए संसारमा ३० करोड नयाँ जागिर सन् २०२० मा नै सिर्जना हुने थियो भनी प्रतिवेदनले औंल्याएको छ । संयुक्त राष्ट्रसंघले यसअघि कोरोना महामारीका कारण विश्वमा परेको असर पार गर्न लामो समय लाग्ने जनाएको छ ।
