काठमाडौं । नेकपा एमालेका वरिष्ठ नेता माधबकुमार नेपाल र झलनाथ खनाल समुहले नयाँ पार्टी दर्ता गराएका छन् । नेकपा एमाले भित्रको आन्तरिक किचलो चरम उत्कर्षमा पुगेसँगै अबका दिनमा एक भएर बस्न नसक्ने निष्कर्ष सहित माधव नेपाल र झलनाथ समुहले नयाँ पार्टी दर्ता गराएका हुन् ।
पार्टीभित्र लामो समयदेखि प्रतिपक्षमा बस्दै आएको नेपाल खनाल समुहले बैशाख ६ गते निर्वाचन आयोगमा नयाँ पार्टी दर्ता गराएका हुन् । उनीहरुको समुहले ‘नेकपा एकिकृत’ नामक नयाँ राजनीतिक पार्टी दर्ता गराएका हुन् ।
निर्वाचन आयोगमा दर्ता गराएको नयाँ पार्टीको अध्यक्षमा जीबन राई छन् भने महासचिवमा विनोद खुलाल रहेका छन् ।
