काठमाडौं । प्रधानमन्त्री केपी शर्मा ओलीले पद तथा गोपनियताको शपथ ग्रहण गरेका छन् । शुक्रबार उनले राष्ट्रपति विद्यादेवी भण्डारीसमक्ष प्रधानमन्त्री पदका लागि तेस्रोपटक शपथ लिएका हुन् ।
उनलाई राष्ट्रपति विद्यादेवि भण्डारीले बिहीबार राति संविधानको धारा ७६ को उपधारा २ बमोजिम प्रधानमन्त्री नियुक्त गरेकी हुन् । यस्तै आजै पुराना सबै मन्त्रीहरुले पनि शपथ ग्रहण गरेका छन् । प्रधानमन्त्री केपी शर्मा ओलीले आफ्नो क्याविनेटमा रहेका सबै मन्त्रीहरुलाई पुनः दोहोर्याएका हुन् । गत २७ गते प्रतिनिधिसभामा विश्वासको मत नपाएपछि उनी प्रधानमन्त्री पदबाट स्वतः बाहिरिएका थिए ।
कोको भए मन्त्री ?
- ईश्वर पोखरेल, उप्रपधान तथा प्रधानमन्त्री कार्यालय
- रामबहादुर थापा बादल, गृह
- टोपबहादुर रायमाझी, उर्जा
- विष्णु पौडेल, अर्थ
- प्रदिप ज्ञवाली, परराष्ट्र
- हृदयेश त्रिपाठी, स्वास्थ्य तथा जनसंख्या
- लेखराज भट्टर, उद्योग, बाणिज्य तथा आपूर्ति
- कृष्णगोपाल श्रेष्ठ, शिक्षा
- प्रभु साह, सहरी विकास
- भानभुक्त ढकाल, पर्यटन
- मणिचन्द्र थापा, खानेपानी
- पद्मा अर्याल, कृषि
- बसन्त नेम्वाङ, भौतिक पूर्वाधार तथा यातायात
- गौरीशंकर चौधरी, श्रम, रोजगार
- पार्वत गुरुङ, सञ्चार
- शिवमाया तुम्बाहाम्फे, भूमि व्यवस्था, सहकारी तथा गरिबी निवारण
- लिलानाथ श्रेष्ठ, कानून
- गणेशसिंह ठगुन्ना, संघीय मामिला तथा सामान्य प्रशासन
- प्रेमबहादुर आले, वन
- जुलीकुमारी महतो, महिला, बालबालिका तथा ज्येष्ठ नागरिक
- दावा लामा तामाङ, युवा तथा खेलकुद